«Հողը զավթել են՝ ընդլայնելով սեփական բիզնեսը»․ Քրիստինա Վարդանյան

Երևանի ավագանու «Ազգային առաջընթաց» խմբակցության անդամ Քրիստինա Վարդանյանի ֆեյսբուքյան գրառումը՝ կից կադրերով․ «Օրը ցերեկով, մարդիկ 60 հոդվածի հողը զավթել են՝ ընդլայնելով սեփական բիզնեսը։ Իսկ եթե ապօրինի չէ, ապա ի՞նչ հիմնավորմամբ են հողը ծածկում։
Օրենքը խախտելուց բացի, կան բազմաթիվ մասնագիտական հարցեր։
- Երևանի կլիմայում հասուն ծառերի համար կենսական կարևոր է
․ ազատ,
․ օդադափանց և
․ ջրաթափանց հողային մակերեսը։ Անընդունելի է արմատային գոտու «դեկորատիվ» ծածկը հօգուտ սրճարանի «սեղանիկի»։
Արմատների վրա տեղադրվող սեղանները մշտապես պրեսի են ենթարկելու հողը, դուրս մղելով օդը, վնասելու են արմատներին։
Ըստ Երևանի ավագանու որոշման, տնտեսվարողը պարտավոր է խնամել տարածքի ծառերը, իսկ արվում է հակառակը։ Սա ոչ թե գեղագիտական, այլ մասնագիտական մոտեցման հարց է։
Բազմիցս գրել եմ, որ արդեն 5 տարի է, ամբողջ Երևանով կաղնիների զանգվածային վարակ է, բույսերը հիվանդ են, ադեկվատ խնամքը խիստ կարևոր է։ Պարտադիր են՝
․ ոռոգումը,
․ սրսկումները,
․ պարարտացումը, այդ թվում սաղարթով։
Թերի է արվում ամենը, բացառությամբ ծառահատումների…
Վերադարձրե՛ք հողը համայնքին, դա է ՀՀ օրենքի պահանջը»։