«ՀԿԿ-ն ստանձնել է «Ուժեղ Հայաստան»-ի հակաքարոզչական շտաբի դերը»․ Վարդուհի Սարգսյան

Փաստաբան Վարդուհի Սարգսյանի ֆեյսբուքյան գրառումը. «Հակակոռուպցիոն կոմիտեն ստանձնել է «Ուժեղ Հայաստան» կուսակցության հակաքարոզչական շտաբի դերը։ Խնդիրն այն չէ, որ ենթադրաբար հանցագործություն հայտնաբերելու դեպքում չպետք է վարույթներ նախաձեռնվեն և հանցանք կատարողները ազատվեն պատասխանատվությունից, խնդիրն այն է, որ Հակակոռուպցիոն կոմիտեն նախընտրական այս շրջանում իր բոլոր մամլո հաղորդագրություններում դիտավորյալ շեշտում է կոնկրետ կուսակցության անուն՝ ինչը նախընտրական քարոզչության ժամանակահատվածում անթույլատրելի է՝ օրենսդրորեն արգելված։ Հրապարակում է ոչ ամբողջական ձայնագրություններ՝ որոնք գուցե իրականում այլ բովանդակություն ունեն, սակայն ամբողջական բովանդակությունից կտրելու դեպքում բացարձակ այլ իմաստ են ստանում և ընտրողի գիտակցության վրա ազդեցություն ունենում։ Սա ՔՊ-ի կողմից իշխանական լծակների ակնհայտ չարաշահում է, որին, մեղմ ասած, դեմ չէ ՀԿԿ նախագահը»։