Անհետ կորած զինծառայողի հայրը նստացույց է իրականացնում Կառավարության դիմաց

44-օրյա պատերազմում անհետ կորած ժամկետային զինծառայող Կարեն Գևորգյանի հայրը՝ Ազատ Գևորգյանը, երեկվանից նստացույց է անում Կառավարության շենքի դիմաց։ «Ապրիլի 27-ին մոտ 50 անհետ կորած զինծառայողների ծնողներով այստեղ էինք, հանդիպել ենք Նիկոլ Փաշինյանի հետ, ասացի՝ պարզիր՝ իմ երեխեն ուր է։ Պատասխան չտվեց, ասաց՝ գրավոր կպատասխանեմ։ 15 օր է անցել, չի պատասխանել»,- ասում է քաղաքացին։ «Տղայիս անունն առաջին զոհվածների ցուցակում է եղել, գնացել, պարզել եմ, որ չի զոհվել, նրան տեսնող է եղել, բա եթե չի զոհվել՝ ո՞ւր ա, ի՞նչ են արել, 6 տարի է՝ մարդու սիրտ չի դիմանում։ Իմ երեխուն ես իրանից եմ ուզում, ինքը պիտի բերի։ Այստեղից տուն չեմ գնա, մինչև մի բան չպարզեն»,- ասում է Ազատ Գևորյանը: