«Հայաստանն ու Ադրբեջանը ադրբեջանական դրոշով էին ցուցադրել». Արտյոմ Չերնամորյան

«Իսրայելահայեր» թերթի գլխավոր խմբագիր Արտյոմ Չերնամորյանի ֆեյսբուքյան գրառումը․ «Միևնույն է …«Կան 11» Իսրայելի պետական հեռուստաընկերության հետ վիճելը անիմաստ է։ Մի անգամ ստիպված Եվրոպայի հեռարձակողների միությանը նամակ գրեցի՝ պահանջելով արդար մոտեցում և փորձեցի տեր կանգնել մեր քվեներին։ Այս անգամ հերթական անփութությանն ականատես եղանք, Հայաստանն ու Ադրբեջանը նույն ազերական դրոշով էին ցուցադրել՝ հարուցելով մեր համայնքի զայրույթը։ Ընթացքում կփորձեմ պարզաբանումներ ստանալ, թե էդ որ մի «խելոքի» ձեռքի գործն է, թե ուղղակի համացանցում հայկական դրոշի նկարները չկան»:

Ավելի վաղ հայտնել էինք, որ Հայաստանը չի անցել «Եվրոտեսիլ 2026»-ի եզրափակիչ փուլ: