«Տասնյակ մարդկանց հանել եմ գործից». Նիկոլ Փաշինյան

«Գործը դատարանում է: Կորպուսի հրամանատարն ազատվել է, տասնյակ պաշտոնյաներ ազատվել են աշխատանքից: Իհարկե հասկանում եմ ծնողների հուզմունքը»,- զոհված զինծառայողի մոր խոսքից հետո հայտարարեց Նիկոլ Փաշինյանը: «Ես ձեր սուգը հարգում եմ, ձերը սուգը մեր սուգն է: Ես մի քանի անգամ ընդունել եմ ծնողներին, իրենք վարկած ունեն, որ ինչ-որ ուրիշ բան է տեղի ունեցել. ոչ մի ուրիշ բան էլ տեղի չի ունեցել: Տասնյակ մարդկանց հանել եմ գործից. եթե ես եմ արել ինչ-որ բան, ինչպես տիկինն է ասում, նրանց կեսը ընդդիմության շարքերում է, թող գնան ելույթ ունենան, ասեն՝ ինչ եմ արել, էդ իրանք են արել ու պիտի դատվեն»,- նշեց նա: «Էդ մարդիկ էդ աշխատանքը չեն արել, հրդեհ է տեղի ունեցել ու ցավալի իրականություն է տեղի ունեցել»,- հավելեց Փաշինյանը: