«Քարոզարշավը թեժացավ իշխող ուժի հիստերիայից»․ Քրիստինե Վարդանյան

«Հայաստան» դաշինքի անդամները Ռոբերտ Քոչարյանի գլխավորությամբ Վեդիում են։ «Նկատե՞լ եք, որ քարոզարշավը էս վերջին օրերին մի քիչ թեժացավ, բայց թեժացավ ինչի՞ց՝ իշխող ուժի հիստերիայից։ Նկատե՞լ եք՝ ինչ բառապաշարով սկսեցին խոսել, անկանոն շարժումներ անել»,- իր ելույթում ասաց պատգամավոր Քրիստինե Վարդանյանը։ Նա նշեց, որ այս պահվածքի պատճառը մեկն է՝ իշխող ուժը հասկանում է, որ հունիսի 7-ին կարող է իշխանություն կորցնել։