«Մենք բացառված է գումար բաժանենք, ձայն ուզենք»․ Գագիկ Ծառուկյան

«Ամենակարևորը երաշխավորված խաղաղություն է, որ պատերազմ չլինի»,- Ալավերդիում քարոզարշավի ժամանակ նշել է Գագիկ Ծառուկյանը։
«Եթե մենք ու Ադրբեջանը ձեռք ենք բերել խաղաղություն, ուրեմն որևէ մեկը իրավունք չունի քայլ անելու։ Այսօր Ադրբեջանը մեր բարձունքների, գրավված հողերի վրա նստած է և պահանջներ է ներկայացնում, մեր գերիները այնտեղ են, եթե խաղաղություն է, մեր գերիներն ինչո՞ւ հետ չեն գալիս, Ադրբեջանը մեզանից ուզում է վրեժ լուծել, մենք պետք է խելացի գտնվենք, որ կարողանանք միասնական, առանց արյունի, պետք է ճիշտ բանակցություն ի օգուտ երկրի, ի օգուտ պետության»։

Ծառուկյանն անդրադառնալով ընտրակաշառքի վերաբերյալ մեղադրանքներին՝ նշել է․ «Մենք բացառված է գումար բաժանենք, ձայն ուզենք։ Վախի մթնոլորտ են ուզում ստեղծել, բայց դա էլ իրենց չի փրկելու»։