«Նիկոլին օգնում են բոլորը՝ Ադրբեջանը, Թուրքիան, Արևմուտքը, Ռուսաստանը, իսկ մեզ՝ ոչ-ոք»․ Վարդուհի Սարգսյան

Փաստաբան Վարդուհի Սարգսյանը ֆեյսբուքյան իր էջում գրել է. «Նիկոլը գիտի՝ ինքը ինչպես է հավաքել ձայների մեծամասնությունը՝ գուցե ոչ բացարձակ, բայց մեծամասնությունը, դա գիտեն բոլորը և ուժայինները, և հասարակության քաղաքականապես ակտիվ հատվածը։ Նա գիտի, որ կեղծվել են ընտրությունները վարչական ռեսուրսը բացահայտ օգտագործելով, բայց, բանակից բացի բոլոր Նիկոլին քվեարկողները կարող էին դա չանել, սակայն արել են դա։
Քվեարկության արդյուքները մենք փոխել չենք կարող ո՛չ փողոցով, ո՛չ էլ սահմանադրական ճանապարհով, քանի որ Հայաստանը ԱՄՆ-ի և ՌԴ-ի միջև մասնատելու, Արցախի հանձնումը լեգիտիմացնելու, ՀԱԵ-ն քանդելու և պատմությունից հրաժարվելու համար Նիկոլին օգնում են բոլորը՝ Ադրբեջանը, Թուրքիան, արևմուտքը և Ռուսաստանը, իսկ մեզ՝ ոչ-ոք, մենք մենակ ենք»։