«Գիտե՞ք, որ պատգամավորները ստանալու են միջինից մի քանի անգամ բարձր թոշակ»․ Մեսրոպ Առաքելյան

«Ապրելու երկիր» կուսակցության համահիմնադիր Մեսրոպ Առաքելյանը ֆեյսբուքյան իր էջում գրել է․ «Իսկ դուք գիտե՞ք, որ ԱԺ պատգամավորները թոշակի անցնելուց հետո ստանալու են միջին թոշակից մի քանի անգամ բարձր թոշակ՝ առնվազն 165.000 դրամ։ Ընդ որում, եթե թոշակ ստանալու պահին կենսաթոշակները բարձրանան, պատգամավորների թոշակներն էլ կբարձրանան։
Տարիներ հետո թոռները հարցնելու են․ պապի (կամ՝ տատի), դու ինչի՞ ես այսքան բարձր թոշակ ստանում։ Մի մասը կարող է պատասխանել, որ մասնակցել է Արցախի... հանձնմանը։
Ի՞նչ կարծիքի եք՝ ճի՞շտ է, արդյոք, որ պատգամավորները նման արտոնություն ունեն»։