Հինգշաբթի, 15 հոկտեմբերի, 2026 թ.
|
Ստեփանակերտում`   +22 °C

«Սուղ թոշակը հնարավորություն չտվեց տղամարդուն մի կտոր խոզի միս գնելու»․ Ոսկան Սարգսյան

«Սուղ թոշակը հնարավորություն չտվեց տղամարդուն մի կտոր խոզի միս գնելու»․ Ոսկան Սարգսյան
883
Երեքշաբթի, 30 հունիսի, 2026 թ., 14:12

Լրագրող Ոսկան Սարգսյանը ֆեյսբուքյան իր էջում գրել է․ «Խոզի միսը թանկացել է, կանաչ սոխ կերեք.
Այսօր սուպերմարկետում մոտ 80 տարեկան, հասարակ շորերով տղամարդը բավական ժամանակ կանգնել էր մսի տաղավարի առաջ, վաճառողին երկար-բարակ հարցնում էր ավելի էժան, քիչ ոսկրոտ մի կտոր խոզի մսի գնի մասին։ Երկար հարցուփորձից հետո նա միս չգնեց։ Սուղ թոշակը նրան հնարավորություն չտվեց թեկուզ մի կտոր խոզի միս գնելու։ Ծեր մարդուն նայելով հիշեցի երբեմնի թունդ ընդդիմադիր, հիմա միլիարդավոր դրամների պարգևավճարներ բաժանող Նիկոլ Փաշինյանի խոսքերը՝ միսը թանկացել է, կանաչ սոխ կերեք, դուք գիտե՞ք կանաչ սոխի օգտակար հատկությունների մասին»։

Հիշեցնենք՝ պատգամավոր եղած ժամանակ, խոսելով թանկացումների մասին ու քննադատելով իշխանություններին, Նիկոլ Փաշինյանն ասել էր. «Կարագը թանկացել է, ժողովուրդ ջան, խառը կանաչի կերեք, ի՞նչ է եղել որ... Խոզի միսը թանկացել է, սխտոր կերեք այ ձեր ցավը տանեմ, ի՞նչ եք խառնվել»:

Աղբյուրը`   Ոսկան Սարգսյան

Կարդացե՛ք նաև