«Ուզում են վրեժխնդիր լինել՝ իր ակտիվ խոսքի, ընտրությունների հետ կապված կեղծիքների բացահայտման համար»․ Անահիտ Ադամյան

Ուղիղ չորս տարի առաջ՝ 2022 թվականի հունիսի 24-ին ես «Ֆեյսբուք»-ում գրառում էի արել, գրելով՝ «Ազատություն քաղբանտարկյալ Ավետիք Չալաբյանին»։ Փաստորեն չորս տարի հետո՝ նույն օրը, նրան ձերբակալել են»,- այս մասին ՍԴ-ի դիմաց ընդդիմադիր քաղաքական ուժերի կազմակերպած բողոքի ակցիայի ժամանակ լրագրողների հետ զրույցում նշեց «Հայաքվե» նախաձեռնության համակարգող Ավետիք Չալաբյանի կինը՝ Անահիտ Ադամյանը։

«Երկու ամսվա կալանք են տվել՝ առանց տեսակցության հնարավորության։ Ինձ թվում է՝ դա հատուկ են անում, որպեսզի պատժեն, վրեժխնդիր լինեն Ավետիքից իր ակտիվ խոսքի համար, այս ամբողջ ընթացքում ընտրությունների հետ կապված կեղծիքների բացահայտման և ընտրողների իրավունքների պաշտպանության համար»,- նշեց Ադամյանը։