«Ընտրությունները չեն անցկացվել հավասարության սկզբունքով»․ Լիպարիտ Դրմեյան

«7 քաղաքական ուժերի՝ ՍԴ ներկայացրած դիմումների քննության առաջին օրն էր, մի քանի միջնորդություններ ներկայացվեցին։ Դիմում ներկայացրած բոլոր քաղաքական ուժերը ներկայացրին իրենց բացատրությունները՝ տարբեր հիմնավորումներ էին բերում, բայց բոլորի դիրքորոշումը հանգում էր նրան, որ թե՛ ամբողջ նախընտրական պրոցեսի ընթացքում, թե՛ ընտրությունների օրը տեղի են ունեցել այնպիսի խախտումներ, որոնք կասկածի տակ են դնում ընտրողների ազատ կամարտահայտությունը»,- այս մասին ՍԴ բակում լրագրողների հետ զրույցում նշեց «Միասնության թևեր» կուսակցության ներկայացուցիչ Լիպարիտ Դրմեյանը։ Նա նաև ընդգծեց, որ ընտրությունները չեն անցկացվել հավասարության սկզբունքով, եղել են խախտումներ։

Հիշեցնենք, որ այսօր ՍԴ-ում քննարկվել են ԱԺ ընտրության արդյունքները վիճարկող դիմումները։