«Արմեն Աշոտյանին բանտում պահելու մոլուցքը շարունակում է ուղեկցել իշխանությանը»․ Տիգրան Աբրահամյան

«Պատիվ ունեմ» խմբակցության քարտուղար Տիգրան Աբրահամյանը ֆեյսբուքյան իր էջում գրել է․ «Իշխանությունը ոչ մի կերպ չէր համակերպվում այն փաստի հետ, որ Արմեն Աշոտյանը 25 ամիս կալանքի տակ գտնվելուց հետո տարբեր սահմանափակումներով ազատության մեջ էր։
Հունիսի 5-ին հերթական ապօրինի կալանավորումից հետո նախօրեին քննչական մարմինը միջնորդություն է ներկայացրել՝ Արմենի կալանքը ևս 2 ամսով երկարաձգելու վերաբերյալ։
Արմենին բանտում պահելու մոլուցքը շարունակում է ուղեկցել իշխանությանը։ Միջնորդությունը քննության կառնվի այսօր՝ ժամը 18:30-ին, Հակակոռուպցիոն դատարանում»։