«Սա քաղաքական հետապնդում է՝ ուղղված Նարեկ Կարապետյանի գործունեությանը»․ Արամ Վարդևանյան

«Դատախազությունը ԿԸՀ-ի կարգավիճակը կարծես շփոթել է վարչական դատարանի կամ վարչական վերաքննիչ դատարանի հետ, որովհետև ԿԸՀ-ին նույն միջնորդությունը ներկայացնելով՝ ակնկալում էր, որ ԿԸՀ-ն պարզապես իր դիրքորոշումը պետք է փոխի․ այդպես էլ եղավ, ԿՀԸ-ն սկսեց քննություն իրականացնել»,- «Ուժեղ Հայաստան»-ի անդամ, ԱԺ մանդատ ստացած պատգամավոր Նարեկ Կարապետյանի դեմ դատախազության միջնորդության քննությունից առաջ, լրագրողների հետ զրույցում ասաց փաստաբան Արամ Վարդևանյանը։ «Սա քաղաքական աբսուրդ է, քաղաքական հետապնդում ու քաղաքական թատրոն՝ ուղղված բացառապես Նարեկ Կարապետյանի գործունեությանը միջամտելուն, ԱԺ-ում իր գործունեությանը միջամտելուն»,- նշեց Վարդևանյանը։

Հիշեցնենք՝ Նարեկ Կարապետյանին անձեռնմխելիությունից զրկելու հարցի քննարկումը երեկ հետաձգվել էր և շարունակվելու է այսօր: