«Էդ խեղճն ի՞նչ անի, ինչ ասել են՝ անում է»․ Արման Աբովյան

«Ես աշխատում եմ չքննարկել նկարչության, արվեստի ոլորտը, ես չեմ հասկանում նկարչությունից, բայց գիտեմ, որ Հովակիմյանը վատ նկարիչ է»,- քննչականի դիմաց, որտեղ շարունակվում է Գագիկ Ծառուկյանի հարցաքննությունը, լրագրողների հետ զրույցում ԱԺ նախկին պատգամավոր, ԲՀԿ անդամ Արման Աբովյանն այսպես արձագանքեց ԿԸՀ նախագահ Վահագն Հովակիմյանի հայտարարությանը, թե ընտրություններն արդար և թափանցիկ են եղել՝ առավել քան երբևէ։ «Ապալեգիտիմ, խուժան, ջարդուխուրդ արած ընտրություններ էին։ Բայց էդ խեղճն ինչ անի, ինչ ասել են՝ ինքն էլ անում է, իրականում այնքան եմ խղճում իրեն, որովհետև ինքը բոլորիցս լավ է հասկանում, թե ինչպես ընտրություններն ուղղակի տվեցին գետնով»,- նշեց Աբովյանը։