«Ե՞րբ են մեր հողերը վերադարձվելու»․ Նարեկ Կարապետյան

«Ե՞րբ են մեր հողերը վերադարձվելու Պառավաքարում, Գորիսում, Ջերմուկում։ 2 տարի է՝ սկսվել է դելիմիտացիայի պրոցեսը, բայց առաջին էտապն ավարտվել է նրանով, որ մենք ենք տվել՝ մի փոքր բացառություններով։ Ե՞րբ են նրանք վերադարձնելու մեր հողերը, երբ են տալու հետ, որպեսզի մենք իմանանք, որ չենք քցվել, որ միակողմանի չէ սա, որ իրենք չեն համոզում՝ վերջում տանեն ձորից գցեն»,- ԱԺ նիստին դիմելով վարչապետ Նիկոլ Փաշինյանին՝ ասաց «Ուժեղ Հայաստան» խմբակցության ղեկավար Նարեկ Կարապետյանը։

«Սահմանազատման արդյունքում։ Ես նրա համար եմ ասում Քյարքի, որ ոչ թե ես ադրբեջանամետ եմ, այլ ես հասկանում եմ, որ եթե կասկածի տակ դրվի այն քարտեզները, որոնք այսօր գտնվում են խաղաղության իրավական հիմքում, բոլորը կսկսեն կասկածի տակ առնել այդ քարտեզները։ Ինչքան մենք այս հարցի նյարդը զրոյացնենք՝ այդքան այդ հարցը կլուծվի շատ պարզ տեխնիկական լուծումով»,- ի պատասխան ասաց Փաշինյանը։