«Սուրեն Պապիկյա՛ն, դու «ռիլ» նկարելու համա՞ր ես, թե՞ անվտանգություն ապահովելու»․ Աննա Գրիգորյան

«Անդրանիկ Սիմոնյանը, Սուրեն Պապիկյանն իրենց շքախմբերով պտտվում, անվտանգ ապրում են, իսկ Շաքիի բնակիչ կինը ստիպված է իր երեք երեխաներին անձնապես պաշտպանել։ ՀՀ քաղաքացու անվտանգությունը մնացել է սեփական ուսերին»,- ասուլիսի ժամանակ ասել է ԱԺ «Հայաստան» խմբակցության ղեկավար Աննա Գրիգորյանը՝ անդրադառնալով Շաքի գյուղում տեղի ունեցած դեպքին։

«Փաստացի պետությունն իր հիմնական ֆունկցիան՝ ժողովրդի անվտանգության ապահովումը, պատվիրակել է ժողովրդին։ Բա դուք ինչի՞ համար եք, Սուրեն Պապիկյան, դու «ռիլ» նկարելու համա՞ր ես, թե՞ փաստացի անվտանգություն ապահովելու, կամ Անդրանիկ Սիմոնյա՛ն, դու ինչո՞վ ես զբաղված»,- հավելել է ընդդիմադիր գործիչը՝ նշելով, որ դա ուժային կառույցների պատասխանատվությունն է: