«Երբ քննադատում են իշխանությանը, քրեական գործ է հարուցվում, երբ վիրավորում են ինձ` ոչ». Մգեր Արմենիա

Երբեմնի ընդդիմադիր, այժմ իշխանամետ երգիչ Մգեր Արմենիան գրել է. «Ինչո՞ւ է այդպես լինում, որ երբ ինչ-որ մեկը «Ֆեյսբուք»-ում քննադատում է իշխանության ներկայացուցիչներին, նրա նկատմամբ անմիջապես քրեական գործ է հարուցվում։
Իսկ երբ ինչ-որ մեկը «Ֆեյսբուք»-ում վիրավորում է ոչ թե իշխանության ներկայացուցիչներին, այլ, օրինակ, ինձ՝ որպես հասարակական գործչի, և կան կոնկրետ հիմքեր քրեական գործ հարուցելու համար, դատախազությունը որոշում է, որ որևէ հիմք չկա քրեական գործ հարուցելու համար։ Ինչպե՞ս հասկանալ այս ամենը։
Ինչո՞ւ են այս դեպքում կիրառվում տարբեր չափանիշներ»։