«Մեր եղածն ուզում են առանց փոխհատուցման վերցնել մեզնից»․ տնտեսվարող

«Մեր եղածն ուզում են մեզնից առանց փոխհատուցման վերցնել, ո՛չ դատարանի որոշում են ցույց տալիս, ո՛չ էլ մեզ են ժամանակ տալիս, որ դատարան դիմենք՝ մեր եղածը պահենք»,- Երևանի Շինարարների փողոցում, որտեղ որոշվել է քանդել շինությունները, բողոքի ակցիայի ժամանակ ասաց տնտեսվարողներից մեկը։ «Մենք համայնքից հող ենք վարձակալել, որի ժամկետը լրացել ա ու ինչքան դիմել ենք՝ չեն երկարաձգել։ Այդ հողի վրա կառուցել ենք շինություն՝ օրինական ձևով, մենք սեփականության վկայական ունենք։ Հիմա հարց եմ տալիս թաղապետարանին, ո՞րն էր իմ առավելությունը, որ այս 25 տարիների ընթացքում ես օրինական, սեփականության թղթով աշխատել եմ, հարկեր եմ մուծել, իսկ անօրինականները չեն մուծել՝ եկաք քանդեցիք։ Ճիշտ ա՝ իմ սրտով էլ չի, որ անօրինականները քանդել են, բայց թուղթ չեն ունեցել, բան չեն կարողացել ասել, բայց այս դեպքում իմ առավելությունը ո՞րն ա, թաղապետն ասում ա, որ բարեխիղճ ձևով աշխատել եք»,- վրդովվել է տնտեսվարողը։