«Իսրայելն ԱՄՆ-ից թույլտվություն է խնդրել Իրանի էներգետիկ օբյեկտներին հարվածելու համար»․ #Kan

Իսրայելը Վաշինգթոնից թույլտվություն է խնդրել Իրանի այն էներգետիկ օբյեկտներին, որոնք նախկինում չեն ենթարկվել հարձակումների, հարվածներ հասցնելու համար, եթե վերսկսվի Թեհրանի դեմ ռազմական արշավը։ Այդ մասին, հղում կատարելով իսրայելական աղբյուրին, հայտնում է Kan-ը։

Աղբյուրի տվյալներով՝ Իսրայելը հույս ունի ստանալ ամերիկյան վարչակազմի ղեկավար Դոնալդ Թրամփի հավանությունը՝ հարվածներ հասցնելու այն թիրախներին, որոնց համար Վաշինգթոնը դեռ կանաչ լույս չի տվել, մասնավորապես՝ էներգետիկ օբյեկտներին:

Ավելի վաղ ԱՄՆ նախագահ Դոնալդ Թրամփը, Օհայո նահանգում Հանրապետական կուսակցության կողմնակիցների առջև ելույթ ունենալով՝ հայտարարել է Իրանի դեմ պատերազմը «շատ արագ» ավարտելու իր մտադրության մասին։