«Թրամփը որոշում չի կայացրել Իրանի դեմ ռազմական գործողությունները վերսկսելու մասին»․ Ռուբիո

ԱՄՆ նախագահ Դոնալդ Թրամփը որոշում չի կայացրել Իրանի դեմ ռազմական գործողությունները վերսկսելու վերաբերյալ։ «Կոմերսանտ»-ի փոխանցմամբ՝ այս մասին Ատլանտայում կայացած մամուլի ասուլիսի ժամանակ հայտարարել է ԱՄՆ պետքարտուղար Մարկո Ռուբիոն։ Նա նշել է, որ ԱՄՆ նախագահը նախընտրում է Իսլամական Հանրապետության հետ հակամարտությունը լուծել դիվանագիտական ​​ճանապարհով։
«Ես մտադիր չեմ մեկնաբանել, թե ԱՄՆ-ն ինչ կարող է կամ չի կարող անել՝ կիրառելով ռազմական մեթոդներ... Անհրաժեշտության դեպքում մենք իրականացնում ենք ռազմական նպատակներ։ Թրամփն այդպիսի որոշում չի կայացրել, և ես չեմ կարող որևէ հայտարարություն անել այդ թեմայով», - ասել է պարոն Ռուբիոն։