«Անկախության հռչակագրի նախաբանում կան ժամանակավրեպ նպատակադրումներ»․ Սրբուհի Գալյան

«Անկախության հռչակագրի նախաբանում կան ժամանակավրեպ նպատակադրումներ»,- ճեպազրույցի ժամանակ ասել է Արդարադատության նախարար Սրբուհի Գալյանը։ «Մենք ինչի՞ համար ենք նոր Սահմանադրություն մշակում․ մենք ուզում ենք հասկանալ՝ հիմա որտեղ ենք և ուր ենք գնում, ինչպիսի պետություն ենք, ինչպիսի նպատակներով ենք գործելու և հանուն ինչի։ Անկախության հռչակագիրը որևէ մեկը պատմության էջերից չի կարող ջնջել և այդպիսի միտք էլ չի կարող ունենալ, բայց փաստն այն է, որ Անկախության հռչակագրի նպատակադրումներն այլևս ժամանակավրեպ են, մենք չունենք նպատակադրում Լեռնային Ղարաբաղի և Հայաստանի միավորման, մենք ունենք նպատակ ՀՀ հարատևության, բարեկեցության, զարգացման, անկախության, ինքնիշխանության ամրապնդման»,- շարունակել է նախարարը։