«Եթե ՌԴ-ն լիներ երաշխավոր, կողմ կքվեարկեի՞ք ԹՐԻՓՓ-ին»․ լրագրողը՝ Տիգրան Աբրահամյանին

«Դուք դեմ քվեարկեցիք ԹՐԻՓՓ-ին՝ հիմնավորելով, որ երաշխավորներ են պետք։ Եթե օրինակ Ռուսաստանը լիներ երաշխավոր, կողմ կքվեարկեի՞ք համաձայնագրին»,- ԱԺ ճեպազրույցների ժամանակ լրագրողը հարց ուղղեց «Ուժեղ Հայաստան» խմբակցության քարտուղար Տիգրան Աբրահամյանին։ «Այնպես չէ, որ «Ուժեղ Հայաստան»-ը դեմ է ԹՐԻՓՓ-ին։ ԹՐԻՓՓ-ը և խաղաղության գործընթացը մեկնարկել են զուգահեռ, և մենք գտնում ենք, որ այս երկու գործընթացները պետք է միասին գային խորհրդարան։ Անկասկած, եթե խաղաղության պայմանագիրը ստորագրված լիներ և ԹՐԻՓՓ-ի հետ ներկայացվեր, «Ուժեղ Հայաստան»-ն այլ կերպ էր քվեարկելու։ Իսկ երաշխավորները պետք է լինեն 1-ից ավելի»,- պատասխանեց Աբրահամյանը։