«Խոհեմ քայլ կլինի, եթե Ձեր լիազորությունները վայր դնեք». Տիգրան Դավուդյան

Իրանագետ Տիգրան Դավուդյանի ֆեյսբուքյան գրառումը․ «ՀՀ Արդարադատության հարգելի նախարար, սխալ են արել, որ թիրախավորել են Ձեր ընտանիքին. Ձեր հուզումը հասկանալի է։ Ձեր նախորդ հայտարարություններից ենթադրում եմ, որ ֆինանսապես ապահովված եք (Ձեր բանկային հաշվին մուտքագրված պարգևավճարի 6 թե 7 միլիոն լինելն անգամ չէիք ստուգել. ակնարկել էիք, որ 200,000 դոլարանոց բնակարան գնելը շատ նորմալ է (ի դեպ ես էլ այդ կարծիքին եմ))։ Բարձրակարգ իրավաբան եք և ինքնաիրացման շատ տեղեր ունեք։ Իբրև նախարար շատ լավ սկսեցիք, բայց վերջին Ձեր արտահայտությունները (ընդդիմադիրները գլուխները պատին են տալիս կամ Ստեփանավանի ընդդիմադիր գործչի կալանավայրում մահվան դեպքի մասին Ձեր կեցվածքը) Ձեզ շատ խոցելի են դարձրել։ Իմ կարծիքով, խոհեմ քայլ կլինի, եթե Ձեր լիազորությունները վայր դնեք։