Արցախի պետական համալսարանը նոր գլխավոր մասնաշենք կունենա

Մեկնարկել են Արցախի պետական համալսարանի գլխավոր մասնաշենքի քանդման և նորի կառուցման աշխատանքները: Այս մասին «Արցախպրես»-ին տեղեկացրել են «Հայաստան» համահայկական հիմնադրամից՝ մանրամասնելով, որ ներկայումս տարածքում ընթանում են մոնտաժման աշխատանքներ: Աղբյուրի հաղորդմամբ՝ ծրագիրն իրականացվելու է «Հայաստան» համահայկական հիմնադրամի ԱՄՆ-ի տեղական մարմնի և ԱՀ կառավարության համաֆինանսավորմամբ: