Երկուշաբթի, 30 մարտի, 2026 թ.
|
Ստեփանակերտում`   +9 °C

«Ավելի ուշ հասկացանք, որ պատերազմը դեռ չի ավարտվել, այլ ընդհատվել է անորոշ ժամանակով». Արտակ Զաքարյան

«Ավելի ուշ հասկացանք, որ պատերազմը դեռ չի ավարտվել, այլ ընդհատվել է անորոշ ժամանակով». Արտակ Զաքարյան
322
Կիրակի, 12 մայիսի, 2019 թ., 15:10

ԱԺ նախկին պատգամավոր, ՊՆ նախկին փոխնախարար Արտակ Զաքարյանը ֆեյսբուքյան իր էջում գրել է. «25 տարի առաջ, 1994թ. մայիսի 12-ին ես, և իմ ուսանողական ընկերներ Հայկն ու Արտյոմը, Արսենի քավորությամբ մկրտվեցինք Շուշիի Սուրբ Ամենափրկիչ Ղազանչեցոց մայր տաճարում: Մկրտության արարողության ավարտից հետո երբ դուրս եկանք տաճարից, բակում ցնծություն էր՝ երգ ու պարով, ավտոմատի կրակահերթերով, մարդիկ գրկախառնվում և շնորհավորում էին միմյանց: Երկարատև պատերազմի ավարտի, հրադադարի հաստատման և երկար սպասված խաղաղության լուրն էր մարդկանց ցնծություն պարգևել: Այդ օրը Շուշիում մեր ընկեր Արթուրի տանը իսկական տոնախմբություն կազմակերպեցինք՝ ի նշանավորումն պատերազմի հաղթական ավարտի: Հետո, ավելի ուշ հասկացանք, որ պատերազմը դեռ չի ավարտվել, այլ ընդհատվել է անորոշ ժամանակով:

Հավերժ փառք խաղաղության համար մարտիրոսված մարտիկներին,
Փառք ու պատիվ խաղաղության մերօրյա պահապաններին»: