Հինգշաբթի, 28 մարտի, 2024 թ.
|
Ստեփանակերտում`   +14 °C

«Մարտի 1-ի զոհերի ծնողները դեմ են, որ աջակցություն ցուցաբերվի ոստիկաններին». Արման Բաբաջանյան

«Մարտի 1-ի զոհերի ծնողները դեմ են, որ աջակցություն ցուցաբերվի ոստիկաններին». Արման Բաբաջանյան
1060
Երկուշաբթի, 03 հունիսի, 2019 թ., 12:05

Խորհրդարանը քննարկում է Լենա Նազարյանի ու Ալեն Սիմոնյանի հեղինակած 2008 թվականի մարտի 1-ից 2-ը Երևան քաղաքում տեղի ունեցած իրադարձությունների ժամանակ տուժած անձանց աջակցության մասին նախագիծը:

Նախագծի վերաբերյալ ելույթ ունեցավ «Լուսավոր Հայաստան» խմբակցության պատգամավոր Արման Բաբաջանյանը. «Քննարկումից հետո տարբեր հարթանկերում տեսանք, որ ծնողները կտրականապես դեմ են, որ այս նախագծով աջակցություն ցուցաբերվի ոստիկաններին: Եթե ցանկանում ենք սա տեղավորել անցումային արդարադատության համատեքստում, կարծում եմ՝ գլխավոր պայմանը՝ համերաշխությունը, պետք է հաշվի առնել: Չենք կարող մի նախաձեռնություն ընդունել, որը Մարտի 1-ի զոհերի հարազատների համար անընդունելի է: Առաջարկում եմ այս մասը մենք հանձն առնենք դիտարկել, լրամշակել»:

Հարակից զեկուցող, պետաիրավական հարցերի մշտական հանձնաժողովի անդամ Սիսակ Գաբրիելյանն արձագանքեց, որ Մարտի 1-ի դեպքերով քրեական հետապնդման ենթարկված ոստիկանները աջակցություն չեն ստանա: