Դատավորը հեռացավ խորհրդակցական սենյակ․ որոշումը կհրապարակվի այսօր

Արդեն տեղեկացրել էինք, որ Վերաքննիչ քրեական դատարանում՝ նախագահությամբ Վազգեն Ռշտունու, քննարկվում է ՀՀ երկրորդ նախագահ Ռոբերտ Քոչարյանին անձեռնմխելիության հիմքով քրեական հետապնդումը չդադարեցնելու վերաբերյալ առաջին ատյանի դատարանի որոշման դեմ պաշտպան Հովհաննես Խուդոյանի կողմից բերված բողոքի քննությունը:

Վազգեն Ռշտունին քիչ առաջ հեռացավ խորհրդակցական սենյակ՝ քննիչի կողմից ներկայացված ինքնաբացարկի միջնորդության վերաբերյալ որոշում կայացնելու:

Որոշումը կհրապարակվի այսօր: