ՄԻԵԴ-ն ստացել է Ռոբերտ Քոչարյանի դիմումները
 253 Երկուշաբթի, 28 հոկտեմբերի, 2019 թ., 21:00 Մարդու իրավունքների եվրոպական դատարանն ստացել և գրանցել է ՀՀ երկրորդ նախագահ Ռոբերտ Քոչարյանի դիմումները, որոնք վերաբերում են նրա կալանավորման գործընթացում թույլատրված կոնվենցիոն իրավունքի խախտումներին։ Այս մասին հայտնում է Ռոբերտ Քոչարյանի փաստաբանական թիմը: ՄԻԵԴ քարտուղարությունից փաստաբանական թիմին հայտնել են, որ դիմումներն ստացվել են հոկտեմբերի 17-ին և հոկտեմբերի 18-ին, և դատարանը քննության կառնի դրանք առաջին իսկ հնարավորության դեպքում։ |
