«ԱՄՆ Ներկայացուցիչների պալատը, ամենայն հավանականությամբ, կճանաչի Հայոց ցեղասպանությունը». Սամանթա Փաուեր

ԱՄՆ Ներկայացուցիչների պալատը, ամենայն հավանականությամբ, կճանաչի Հայոց ցեղասպանությունը, այս մասին Twitter-ի իր էջում գրել է ՄԱԿ-ում ԱՄՆ-ի նախկին դեսպան Սամանթա Փաուերը: «Ամերիկայի հայերն ու ԱՄՆ Ներկայացուցիչների պալատի անդամ Ադամ Շիֆը տարիներ շարունակ փորձում են Կոնգրեսին դրդել ճանաչելու Հայոց ցեղասպանությունը: Չնայած Թուրքիայի ժխտմանը, ԱՄՆ-ը, ամենայն հավանականությամբ, վերջիվերջո կճանաչի 20-րդ դարի առաջին Ցեղասպանությունը»,- գրել է նախկին դեսպանը:

Հիշեցնենք՝ ավելի վաղ հաղորդվել էր, որ ԱՄՆ Կոնգրեսի կանոնակարգի հանձնաժողովը հաստատել է Հայոց ցեղասպանությունը ճանաչող բանաձևը, որի համահեղինակը կոնգրեսական Ադամ Շիֆն է, և ուղարկել պալատի քննարկմանն ու քվեարկությանը: 296-րդ բանաձևը Ներկայացուցիչների պալատում քվեարկության կդրվի այսօր: