Ստամբուլում ոստիկանությունը ցրել է կանանց իրավունքների համար երթը

Ստամբուլում ոստիկանությունը ցրել է կանանց իրավունքների համար երթը, գրում է Deutsche Welle-ն։ Նոյեմբերի 25-ը կանանց և աղջիկների նկատմամբ բռնության դեմ պայքարի օրն էր, որին Ստամբուլում մասնակցել է մոտ 2 հազար մարդ: Ոստիկանությունը երթը ցրելու համար կիրառել է արցունքաբեր գազ և պլաստմասե փամփուշտներ:

Ըստ թուրք իրավապաշտպանների՝ ընթացիկ տարում Թուրքիայում սպանվել է 378 կին: Ակտիվիստները բազմիցս մեղադրել են Թուրքիայի դատական իշխանություններին՝ կանանց նկատմամբ բռնության համար պատասխանատու անձանց նկատմամբ չափազանց մեղմ պատիժներ կիրառելու մեջ: