«Գումարի դիմաց ծառայությունից ազատվելն ամենաանհաջող միտքն է». Հայկ Խանումյան

Արցախի ԱԺ ընդդիմադիր պատգամավոր Հայկ Խանումյանը ֆեյսբուքյան իր էջում գրել է. «Կարող ենք խոսել բանակային ծառայության ժամկետի կրճատման մասին միայն այն դեպքում, երբ մարտական հերթապահություն իրականացնող մեր բոլոր զորամասերն ու ստորաբաժանումները համալրված լինեն միայն պայմանագրային զինծառայողներով: Պարտադիր զինվորական ծառայության կարիք մենք միշտ ունենալու ենք, քանզի ունենք ուժեղ և բազմամարդ պահեստազոր ձևավորելու խնդիր: Գումարի դիմաց ծառայությունից ազատվելն ամենաանհաջող միտքն է, որ կարելի է ունենալ զինծառայության մասին քննարկումներում: Դա ոչ միայն հակասում է սոցիալական արդարության սկզբունքներին, այլև կարող է շատ ընտանիքների հասցնել ծայրահեղ աղքատության: Պետք չէ վախենալ զինվորական ծառայությունից, բանակը պետք է դարձնենք մի կառույց, որտեղ երիտասարդը կարևոր գիտելիքներ և հմտություններ է ձեռք բերում»: