Երեքշաբթի, 07 ապրիլի, 2020 թ.
|
Ստեփանակերտում`   -2 °C

ՊՆ-ի պարզաբանումը՝ դիրքապահ զինծառայողների պարգևավճարների նվազեցման վերաբերյալ

ՊՆ-ի պարզաբանումը՝ դիրքապահ զինծառայողների պարգևավճարների նվազեցման վերաբերյալ
290
Շաբաթ, 28 դեկտեմբերի, 2019 թ., 17:00

Երեկ հայտնել էինք, որ MAMUL.amահազանգեր է ստացել դիրքերում ծառայող զինվորներից, ովքեր բողոքում են Ամանորին իրենց տրամադրվող պարգևավճարների նվազեցումից:

Այս առնչությամբ ՀՀ պաշտպանության նախարարությունը պարզաբանում է տարածել. ««Պաշտոնատար անձանց վարձատրության մասին» ՀՀ օրենքի հոդված 22-ի 3-րդ կետի համաձայն՝ յուրաքանչյուր մարմնի համար պարգևատրման ֆոնդը կազմվում է Հայաստանի Հանրապետության պետական բյուջեով տվյալ մարմնի համար նախատեսված աշխատավարձի տարեկան ֆոնդի միջոցներից:

ՀՀ պաշտպանության նախարարի համապատասխան հրամանով զինված ուժերում զինծառայողներին միանվագ գումարով պարգևատրելու նպատակով սահմանվել է համապատասխան խրախուսման ֆոնդ և հատկացվել զորամասերին: Ուսումնական տարվա արդյունքներով, համաձայն «Կարգապահական կանոնագիրք» ՀՀ օրենքի դրույթների՝ տարվա ընթացքում իրականացվել է լավագույն զինծառայողների խրախուսումը:

«Պաշտոնատար անձանց վարձատրության մասին» ՀՀ օրենքի նույն հոդվածի 9-րդ կետի համաձայն՝ զինծառայողները կարող են պարգևատրվել նաև աշխատավարձի տարեկան ֆոնդի տնտեսված միջոցներից, ըստ որի, լավագույն արդյունքներ ցուցաբերած զինծառայողների քանակական համամասնությամբ, խրախուսման կարգով, իրականացվել են նշված պարգևատրումները»։