«Բաղդադում Հայաստանի դեսպանությունն աշխատում է բնականոն ռեժիմով». ՀՀ ԱԳՆ

ՀՀ Արտաքին գործերի նախարարության ֆեյսբուքյան էջում ներկայացված է մամուլի խոսնակ Աննա Նաղդալյանի մեկնաբանությունը. ««Միջազգային գոտում» ներկայումս անվտանգության հետ կապված խնդիրներ չկան: Մի քանի օր առաջ «Միջազգային գոտում» տեղի ունեցած պայթյունները, չնայած ՀՀ դիվանագիտական ներկայացուցչությունից մի քանի հարյուր մետր հեռավորության վրա լինելու հանգամանքին, էականորեն չեն ազդել դեսպանության աշխատանքի վրա:
Բաղդադում ՀՀ դեսպանությունն աշխատում է բնականոն ռեժիմով և մշտական կապի մեջ է տեղի իշխանությունների և հայ համայնքային կառույցների հետ»,- նշել է ԱԳՆ մամուլի խոսնակը: