Երկուշաբթի, 17 փետրվարի, 2020 թ.
|
Ստեփանակերտում`   -3 °C

«Բանակում միջանձնային հարաբերությունները կարգավորելու համար պետք է մշակվի նոր համակարգ». Կ. Հովհաննիսյան

«Բանակում միջանձնային հարաբերությունները կարգավորելու համար պետք է մշակվի նոր համակարգ». Կ. Հովհաննիսյան
72
Չորեքշաբթի, 05 փետրվարի, 2020 թ., 01:25

Քրդագետ, թուրքագետ Կարեն Հովհաննիսյանը ֆեյսբուքյան իր էջում գրել է. «Մեղադրանք է առաջադրվել ժամկետային զինծառայողին հունվարի 30-ին մեկ այլ զինծառայողի ինքնասպանության հասցնելու գործով: Հենց այստեղից ճակատագրերը խեղվում են: Մի ընտանիքի համար տղան գերեզմանում է, մյուսի համար՝ բերդում, արդեն բոլորիս հայտնի իր դրսևորումներով: Հենց սրա մասին եմ ասում, երբ ասում եմ, որ այս հարաբերություններում երկու իրար հակադիր բևեռներում գտնվողներն իրականում նույն բևեռում են, նույն կործանված բևեռում...

Բանակում միջանձնային հարաբերությունները պետք է կարգավորվեն, պետք է դրա համար աշխատեն բոլոր պետական, գիտական, իրավական օղակները, ինստիտուտները, պետք է մշակվի նոր համակարգ... Անհնարին ոչինչ չկա...»: