Երեքշաբթի, 29 սեպտեմբերի, 2020 թ.
|
Ստեփանակերտում`   +15 °C

«Հրայրն էս վիճակում է հայտնվել». Կարինե Հարությունյան

«Հրայրն էս վիճակում է հայտնվել». Կարինե Հարությունյան
193
Ուրբաթ, 07 փետրվարի, 2020 թ., 18:10

Լրագրող Կարինե Հարությունյանը ֆեյսբուքյան իր էջում գրել է. «Պատկերացրեք մարդն ազատություն է ստանում իր ողջ մտքերը մի գործի մեջ դնելու համար: Աշխատում է օրնիբուն: Ոգևորվում է անկախությամբ իրեն շնորհված հնարավորություններով, որ ջանում է իր երազանքի բոլոր մանրամասները դնել այդ գործի մեջ: Բայց այնքան է տարվում, որ մոռանում է բուն նպատակի ու դրա կյանքի իրավունքների մասին, ազդեցությունների ու հետևանքերի մասին: Եվ այնքան է սիրում ստեղծելու այդ ընթացքը, այնքան է համակվում դրանով, որ գաղափարը կամաց-կամաց վերափոխվում է անձի, իր եսին: Չի էլ նկատում, թե ինչպես է սկսում կերակրել իր եսը, հացուջուր տալիս, սիրում, գուրգուրում... Իր եսը՝ այդ գաղափարի մեջ: Այնքան ու այնպես, որ ստեղծածը դառնում է դիվային մի բան, որը պատրաստ է հարմար պահի իր ստեղծողին կուլ տալ: Հրայրն էս վիճակում է հայտնվել: Վստահ եմ, որ հեղափոխություն էլ եղած չլիներ, ՀՀԿ-ն բախվելու էր Հրայրի ստեղծած՝ սահմանադրական էս հրեշում թաքնված խութերին ու փորձ էր անելու Հրայրից ու այդ սահմանադրությունից մի կերպ ազատվել: Չի կարելի ստեղծել մի բան, որն ընդունված կանոններից, իրավական չափանիշներից ու ժողովրդավարական բարեկրթությունից դուրս է: Հրայրի եփած սահմանադրական շիլան ապացույց է նրա, որ եթե մարդը կորցնում է ինքնատիրապետումը և անկախությունը նույնացնում անարխիայի հետ, խիստ վտանգավոր է դառնում միջավայրի համար: Նման վտանգները միայն դանակով են հեռացնում: Հանրաքվեի մասին որոշումը հենց այդ վիրադանակն է»: