Երկուշաբթի, 24 փետրվարի, 2020 թ.
|
Ստեփանակերտում`   +5 °C

«Ալիևի հայտարարությունն ական է, որը փորձում է տեղադրել ներհայաստանյան քաղաքական դաշտում». Կարեն Հովհաննիսյան

«Ալիևի հայտարարությունն ական է, որը փորձում է տեղադրել ներհայաստանյան քաղաքական դաշտում». Կարեն Հովհաննիսյան
114
Շաբաթ, 08 փետրվարի, 2020 թ., 03:05

Քրդագետ, թուրքագետ Կարեն Հովհաննիսյանը ֆեյսբուքյան իր էջում գրել է. «Իլհամ Ալիևը հայտ է ներկայացնում ներհայաստանյան քաղաքական կյանքում ձեռագիր ունենալու համար: Ալիևի հայտարարությունը, կապված Հայաստանի նախկին և ներկա իշխանությունների գործողությունների հետ, ինչպես նաև հնչեցված գնահատականը, ոչ այլ ինչ է, եթե ոչ ական, որը փորձում է տեղադրել ներհայաստանյան քաղաքական դաշտում:
Ալիևին խորհուրդ են տվել այս կերպ տրամադրություններ ստեղծել հայկական դաշտում և դառնալ որոշ իրադարձությունների տերը: Ակնհայտ է, որ Ալիևի «քաղաքական հետապնդում» եզրույթն օգտագործվում է արդեն տեսանելի ձեռքերով ներհայաստանյան քաղաքական կյանքի վրա ազդելու համար: Կարծում եմ, որ Ալիևն անցել է «գրոհի», քանի որ գիտի ներադրբեջանական քաղաքական դաշտն ավելի խոցելի է ու չի բացառվում հենց մեր կողմից գնա ազդակ, որը կազդի այդ երկրի ներքին քաղաքական կյանքի վրա»: