«Բանակի ոչ մարտական մահերը կանխելու պարզ և արդյունավետ լուծման առաջարկ ունեմ». Էդգար Առաքելյան
2636 Շաբաթ, 15 փետրվարի, 2020 թ., 12:35 ԱԺ «Իմ քայլը» խմբակցության նախկին անդամ Էդգար Առաքելյանը ֆեյսբուքյան իր էջում գրել է. «Բանակի ոչ մարտական մահերը կանխելու շատ պարզ և արդյունավետ լուծման առաջարկ ունեմ, որի նախաձեռնողն ու առաջ մղողը, իմ պատկերացմամբ, պետք է լինի խորհրդարանական «Իմ քայլը» խմբակցությունը (եթե բանը դրան հասնի, նույնիսկ ի հեճուկս գործադիրի գործընկերների կարծիքի): Հարկավոր է օրենսդրորեն ամրագրել, որ յուրաքանչյուր ժամկետային զինծառայող 2 տարվա ընթացքում 3-4 անգամ կարող է դիմում գրել զորամասը փոխելու խնդրանքով, և իր այդ դիմումն անմիջապես և առանց լրացուցիչ հարցերի, առանց որևէ քննության պետք է բավարարվի ղեկավարության կողմից: Այսկերպ մենք հնարավորություն կտանք անելանելի հոգեբանական, ֆիզիկական կամ նյութական վիճակում հայտնված զինվորին խուսափել իր կարծիքով անխուսափելի ողբերգությունից՝ լինի դա սպանություն, ինքնասպանություն կամ որևէ այլ տիպի էական բռնություն: Քանի որ ծառայակիցների ճնշումների կամ բռնությունների մասին սպայակազմին, իրավապահներին հայտնելը բանակում գերիշխող քրեական հակամշակույթի օրենքներով համարվում է «գործ տալ» կամ պատգամավոր Գևորգ Պետրոսյանի հիշատակած 3 տառանոց երևույթը և ինքնին կարող է պարունակել նոր լրջագույն սպառնալիքներ տվյալ զինծառայողի համար, ապա նոր զորամաս տեղափոխումը պետք է կատարվի առանց որևէ հետաքննության և տուժածին լրացուցիչ վտանգների ենթարկելու: Որպեսզի նոր զորամասում կանխակալ վերաբերմունք չլինի տեղափոխվածի նկատմամբ, հարկավոր է սրան զուգահեռ իրականացնել պարբերական ռոտացիաներ: Այսկերպ, սպանություն-ինքնասպանությունից կամ պարզապես անտանելի հոգեբանական ու ֆիզիկական բռնությունից «փախուստ տված» զինծառայողները չեն տարբերվի ռոտացիայի արդյունքում այլ զորամասում հայտնվածներից: Իհարկե, բոլորս էլ հասկանում ենք, որ սա ընդամենը «հրդեհաշիջման» միջոցառումներ կարող են լինել: Դրանք կյանքի կոչելուն ու կյանքեր փրկելուն զուգահեռ Խնդրի բուն պատճառներն է պետք չեզոքացնել: Ամբողջությամբ վերացնելուն չեմ հավատում, բայց անհաշտ պատերազմ հայտարարելով ու հետևողական անհանդուրժողականություն դրսևորելով՝ որոշակի հաջողություններ արձանագրել հնարավոր է»: |
Վիճաբանություն՝ ծառահատման ժամանակ (տեսանյութ)
5516:18«Ադրբեջանում հայտնված 80 զինծառայողների ճակատագիրն անհայտ է»․ Սիրանուշ Սահակյան (տեսանյութ)
6615:48«Ամոթ նրանց, ովքեր նման խուզարկումների որոշումներ են կայացնում»․ Մարատ Եգանյան (տեսանյութ)
8615:24«Իսկ այլ երկրում Արցախի վտարանդի կառավարություն կարո՞ղ է գոյություն ունենալ»․ Տիգրան Պետրոսյան
11815:00Տաջիկստանում Crocus-ի գործով 9 մարդ է ձերբակալվել
12914:48«Իմ դիմումի հիման վրա քրեական վարույթ է նախաձեռնվել»․ Թագուհի Թովմասյան
7714:36«Նիկոլի օրոք հանրության կողմից չկա պայքար»․ Նաիրի Հոխիկյան
7714:00«Հենց նոր ավարտեցին տանս խուզարկությունը»․ Արա Պապյան
11411:36