Երեքշաբթի, 31 մարտի, 2020 թ.
|
Ստեփանակերտում`   +8 °C

ՄԻՊ-ի ներկայացուցիչներն այցելել են բերման ենթարկվածներին

ՄԻՊ-ի ներկայացուցիչներն այցելել են բերման ենթարկվածներին
177
Ուրբաթ, 21 փետրվարի, 2020 թ., 12:15

Փետրվարի 20-ի երեկոյան ԱՀ Մարդու իրավունքների պաշտպանի աշխատակազմն ահազանգ է ստացել, որ մի խումբ քաղաքացիներ քաղաքական կոչերով ուղեկցվող ավտոերթ են իրականացրել Ստեփանակերտի Վերածննդի հրապարակի հարակից տարածքում, որի ընթացքում ոստիկանությունը վարչական ձերբակալման է ենթարկել 8 հոգու:
Պաշտպանի ներկայացուցիչներն այցելել են ոստիկանության Ստեփանակերտի քաղաքային վարչություն, ծանոթացել դեպքի հանգամանքներին, ինչպես նաև զրույցներ ունեցել վարչական ձերբակալման ենթարկված անձանց հետ:
Պաշտպանի ներկայացուցիչները պարզաբանումներ են պահանջել ոստիկանությունից՝ քաղաքացիներին ազատությունից զրկելու հիմքերի, նրանց կարգավիճակի և վարվող ընթացակարգերի վերաբերյալ: Ոստիկանությունը պարզաբանել է, որ քաղաքացիներին ազատությունից զրկելու հիմքը ոստիկանության օրինական պահանջին չենթարկվելն էր, որի հետևանքով կիրառվել է վարչական ձերբակալում:

Պաշտպանի ներկայացուցիչներն արձանագրել են, որ վարչական կարգով ձերբակալված բոլոր 8 անձինք ազատ են արձակվել երեք ժամվա ընթացքում, այս մասին տեղեկանում ենք Արցախի ՄԻՊ-ի ֆեյսբուքյան էջից: