Չորեքշաբթի, 24 դեկտեմբերի, 2025 թ.
|
Ստեփանակերտում`   +8 °C

100 տարին մեկ մոլորակը պատուհասում է մահաբեր համաճարակ

100 տարին մեկ մոլորակը պատուհասում է մահաբեր համաճարակ
1749
Երեքշաբթի, 25 փետրվարի, 2020 թ., 23:50

Գոյություն ունի թեորիա, որ 100 տարին մեկ մոլորակի վրա բռնկվում է համավարակ: Կարելի է ասել, որ դա զուգադիպություն է, սակայն ժամանակագրական ճշգրտությունը բազմաթիվ հարցեր է ծնում:

Շատ հետազոտողներ ասում են, որ կորոնավիրուսի ներկա համաճարակը հիշեցնում է նախորդ դարերի իրավիճակը: Այսպես.

1720 թիվ

Եվրոպան պատել է բուբոնային (գեղձուռուցքային) ժանտախտի համաճարակը, որն ստացել է Մարսելյան ժանտախտ անվանումը: Այն սպանել է 100 հազարից ավելի մարդու:

1820 թիվ

Բռնկվել է խոլերայի համաճարակը: Ֆիլիպիններում, Ինդոնեզիայում, Թայլանդում այն խլել է նույնպես շուրջ 100 հազար մարդու կյանք: Համարվում է, որ խոլերայի պատճառը աղբյուրների չմշակված ջրի կիրառումն էր:

1920 թիվ

Բռնկվել է ամենավերջին և ամենալավ փաստավավերագրված համավարակը՝ «իսպանկա»-ն: Այս գրիպը վարակել է ռեկորդային թվով մարդկանց՝ մինչև մեկ միլիարդ: Մահացել է 100 միլիոն մարդ: Սա մարդկության պատմության ամենամահաբեր վարակն է:

2020 թիվ

Չինաստանում սկիզբ է առել նոր կորոնավիրուսի համաճարակը, որն անցել է Հարավային Կորեա, Իրան, Իտալիա և այլ երկրներ: Այսօրվա դրությամբ՝ վարակված է 77 հազարից ավելի մարդ, 2000-ը մահացել է:

Կարդացե՛ք նաև