Կիևում կփակեն դպրոցներն ու ժամանցի կենտրոնները՝ կորոնավիրուսի բացակայության պայմաններում

Կիևի իշխանությունները որոշել են չսպասել մինչև կորոնավիրուսի առաջին դեպքը կգրանցվի մայրաքաղաքում, և հակահամաճարակային միջոցառումների ու սահմանափակումների ծրագիր են մշակել, որոնք կկիրառվեն մարտի 12-ից: Մասնավորապես՝ քաղաքում կսահմանափակվի բոլոր կրթական հիմնարկությունների՝ դպրոցների, բուհերի, մանկապարտեզների, մարզական ու արվեստի դպրոցների աշխատանքը: Բացի այդ, կսահմանափակվեն զանգվածային միջոցառումները, կչեղարկվեն համերգները, գիտաժողովները, ֆիլմերի ցուցադրությունները: Կդադարեցվի բոլոր՝ այդ թվում առևտրի կենտրոններում տեղակայված զվարճանքի կենտրոնների աշխատանքը: Սահմանափակումներն ուժի մեջ կլինեն մինչև մարտի վերջը: Ուսուցման գործընթացը կկազմակերպվի հեռավար եղանակով: