«115 դեպքերից 13-ը 60 տարեկանից բարձր անձինք են». Արսեն Թորոսյան

ՀՀ առողջապահության նախարար Արսեն Թորոսյանը մարտի 19-ին կառավարության նիստում ասաց, որ ներկա դրությամբ ունենք կորոնավիրուսի հաստատված 115 դեպք, մեկն արդեն առողջացած է:
«Բոլորի վիճակը բավարար է: 38-ից բարձր ջերմություն ունեցողներն ընդամենը 5 հոգի են, 37-ից բարձր՝ 34 հոգի: 60-ից բարձր տարիքի անձինք 13-ն են, նրանցից ոչ մեկի ջերմությունը բարձրերի մեջ չի մտնում»,- նշեց նախարարը:
Ըստ Ա. Թորոսյանի՝ հիվանդներից ոչ մեկի կյանքին վտանգ չի սպառնում: Նույն ռեժիմով շարունակվում է հոսպիտալիզացիան:

Հաստատված դեպք ունենալու ժամանակ հիվանդին պահում են բժիշկների հսկողության տակ, նրանց հետ շփված անձանց մեկուսացնում են հատուկ վայրերում: Որոշ դեպքերում ինքնամեկուսացում է արվում: Աշխարհի մակարդակով բռնկումներն ինտեսնիվ շարունակվում են Եվրոպայում: Մահվան դեպքերը գրանցված են հիմնականում 70-90 տարեկանների շրջանում: Տարածումն այնքան է, որ որոշ դեպքերում թեթև դեպքերը չեն արձանագրվում: