Կիրակի, 08 նոյեմբերի, 2026 թ.
|
Ստեփանակերտում`   +2 °C

Արաբական երկրներում կաղքատանա 8․3 մլն մարդ․ ՄԱԿ

Արաբական երկրներում կաղքատանա 8․3 մլն մարդ․ ՄԱԿ
803
Ուրբաթ, 03 ապրիլի, 2020 թ., 04:15

Կորոնավիրուսի համավարակի հետևանքները կհանգեցնեն նրան, որ 2020 թվականին արաբական երկրներում 8․3 միլիոն մարդ կհայտնվի ծայրահեղ աղքատների շարքում, հաղորդում է ՄԱԿ-ի կայքը:

Ըստ կազմակերպության տվյալների՝ թերսնվողների թիվը կարող է ավելանալ մոտ 2 միլիոնով:
«Այս ճգնաժամի հետևանքները հատկապես լուրջ կլինեն խոցելի խմբերի համար»,- հայտարարել է ՄԱԿ Արևմտյան Ասիայի տնտեսական և սոցիալական հանձնաժողովի գործադիր քարտուղար Ռոլա Դաշտինը: Ռիսկային խմբում են կանայք և երիտասարդները, ինչպես նաև նրանք, ովքեր չունեն սոցիալական պաշտպանության և գործազրկության ապահովագրության հնարավորություն: Ըստ ՄԱԿ տվյալների՝ տարածաշրջանում ծայրահեղ աղքատների շարքում արդեն գտնվում է 101․4 միլիոն մարդ, ևս 52 միլիոն մարդ չի ստանում բավարար սնունդ։