«Պետք է ձգտենք Rt-ն հնարավորինս նվազեցնել՝ այն հասցնելով 1-ից ցածր արժեքի». Տիգրան Ավինյան
![]() 441 Կիրակի, 05 ապրիլի, 2020 թ., 18:25 ՀՀ փոխվարչապետ, արտակարգ դրության ռեժիմի պարետ Տիգրան Ավինյանը ֆեյսբուքյան իր էջում գրել է. «Այսօր Առողջապահության նախարար Արսեն Թորոսյանը հրապարակել է կորոնավիրուսային վարակի հաստատված դեպքերի դինամիկան ցույց տվող գրաֆիկ, որտեղ երևում է, որ դրանք կրկնապատկվել են վերջին 7 օրերի ընթացքում: Միաժամանակ պետք է նշեմ, որ վարակի տարածումը կանխարգելելու քաղաքականությունը պլանավորելիս առավել կարևորում ենք տարածման ինտենսիվության գործակցի (temporal reproduction number)՝ Rt-ի վարքագիծը և դրա արժեքի արդյունավետ կառավարումը: Գործակիցը ցույց է տալիս, թե 1 վարակված անձը պոտենցիալ քանի հոգու կարող է վարակել: Որքան բարձր է այդ գործակիցը, այնքան շատ թվով մարդկանց է 1 անձը վարակում: Եթե գործակիցը չի ստացվում նվազեցնել, վարակի տարածումն անընդհատ ավելի բարձր տեմպով է զարգանում: Հենց այս հիմքով են ամբողջ աշխարհում սոցիալական հեռավորության պահպանումը և միջանձնային շփումների սահմանափակումը համարվում վարակի տարածման դեմ պայքարի կարևոր միջոցներ: Ուրախ եմ տեղեկացնել, որ մարտի 25-ից կիրառվող՝ անձանց տեղաշարժի իրավունքի և տնտեսական գործունեության մի շարք տեսակների ժամանակավոր սահմանափակումների շնորհիվ ինտենսիվության գործակիցը հաջողվել է նվազեցնել մարտի 25-ից մեկ շաբաթ առաջ գնահատված մոտ 2 արժեքից և հասցնել այն 1,4-ի: Առաջիկա շաբաթվա ընթացքում մեր խնդիրը պետք է լինի խստագույնս հետևել արտակարգ դրության ռեժիմի կանոններին ու սահմանափակումներին: Պետք է ձգտենք Rt-ն հնարավորինս նվազեցնել՝ այն հասցնելով 1-ից ցածր արժեքի: Սա կնշանակի, որ կորոնավիրուսային վարակի տարածումը կառավարելի է, իսկ առողջապահական համակարգը կկարողանա արդյունավետ սպասարկել հնարավոր ծանր դեպքերը: Այս ամենի արդյունքում կկարողանանք հետզհետե թեթևացնել սահմանափակումները ու աստիճանաբար վերադառնալ բնականոն կյանքի: Այսպիսով, սիրելի՛ հայրենակիցներ, ևս մեկ անգամ կոչ եմ անում գալիք շաբաթ լինել առավել կարգապահ և, այդպիսով, ձեր դերն ունենալ վարակի տարածումը կանխարգելելու կարևոր գործում»: |
«Ո՞րերորդ անգամ եք գուժում հարձակման մասին, բայց տեղի չի ունենում»․ Արսեն Թորոսյան
10312:00«Հրայր սարկավագը հերքել է, որ այդ խոսքերն իրեն են պատկանում»․ Հովսեփ Սարգսյան (տեսանյութ)
9311:36«Հուսամ՝ Վեհարանի ուղղությամբ չեն շարժվում». Սյուզի Բադոյան (տեսանյութ)
16811:24«Աշխարհասփյուռ հայե՛ր, ո՞ւր եք»․ քաղաքացի
10811:12«Եկեղեցու վրա հարձակման օպերացիան են մշակում». Սյուզի Բադոյան
8511:06Բագրատ Սրբազանի փաստաբանների ասուլիսը․ ՈՒՂԻՂ ՄԻԱՑՈՒՄ (տեսանյութ)
12310:48«Հայր Ասողիկից անեծք լսելն անհավանական, բայց խտացված ու թիրախային է»․ Վիգեն Սարգսյան
14710:30«Քննչականում գործեր են սարքվում. ձայնագրությունը կա՝ մարդիկ չկան». փաստաբանների ահազանգը. «Ժողովուրդ»
15809:00