«Հանրությանը մոլորեցնողը Գլխավոր դատախազությունն ու ՔԿ-ն են». Բագրատ Սրբազան

«Դուք ձեր կյանքում տեսե՞լ եք որևէ փորձագետ, որ գա, նստի դատարանում, 15 րոպե ընդմիջում խնդրի, որպեսզի գնա, նայի, թե ինքը ինչ է գրել: Տեսե՞լ եք փորձագետ, որ գրականությունը սահմանափակվում է ասենք 1992 թիվ ամենաշատը և 2017 թվի զենք է ուսումնասիրում, ներկայացնում, որից բացարձակ գաղափար չունի»,- դատական նիստին, դիմելով դատավորին, ասել է «Սրբազան պայքար» շարժման առաջնորդ Բագրատ Սրբազանը: «Ուրեմն հանրությանը մոլորեցնողը Գլխավոր դատախազությունն է, ՔԿ-ն է՝ իր ամբողջ համակարգով, որոնց ցայտուն ներկայացուցիչները նստած են այստեղ»,- ընդգխել է նա և ավելացրել, որ «ինչ որ տեղի է ունենում, բացարձակ կապ չունի այս գործի հետ. Սա փտած իրականության արտահայտությունն է»: