«444-ը՝ ծանր, 131-ը՝ ծայրահեղ ծանր»․ նախարարը նոր թվեր ներկայացրեց

1228

Հինգշաբթի, 18 հունիսի, 2020 թ., 11:30

«Փաստացի՝ կենտրոնական փողոցներում, աշխատավայրերում հնարավորություն ունենք վերահսկելու դիմակ կրելն ու հեռավորություն պահպանելը, բայց բակերում դա դժվար է։ Ուստի չեմ պատկերացնում այլ գործիք՝ քան մարդու գիտակցության վրա հենվելը»,- ասաց Առողջապահության նախարար Արսեն Թորոսյանը։ «Երբ նայում ենք, օրինակ, զրուցարանում նստած տարեցների նարդի խաղալուն, միայն դիմակն է, որ նրանց պաշտպանելու է»,- հավելեց նա։

Թորոսյանը տեղեկացրեց, որ առավոտյան ժամը 9-ի դրությամբ՝ 143 քաղաքացի ունի կորոնավիրուսային հոսպիտալացման կարիք, որից 25-ը՝ տանն են․ 9-ը՝ թեթև ծանրության են, 16-ը՝ միջին ծանրության։ «Մյուս թիվն է կարևոր․ 444 հոգի ունենք ծանր, 131՝ ծայրահեղ ծանր քաղաքացի, որից 39-ը միացված են թոքերի արհեստական սարքին»,- ասաց նախարարը։