ԱՄՆ-ում բողոքի ակցիաներ են սկսվել ոստիկանի կողմից լատինաամերիկացու սպանությունից հետո

Քալիֆորնիա նահանգի Քոմփթոն քաղաքում ցույցեր են կազմակերպվել, երբ ոստիկանն սպանել է լատինաամերիկացի Անդրես Գուարդադոյին: Ցույցերը վերածվել են բախումների իրավապահ մարմինների ներկայացուցիչների հետ, հայտնում է CNN-ը:
Նշվում է, որ ի սկզբանե ցուցարարները հավաքվել էին Գարդինա քաղաքում՝ իրենց վրդովմունքը հայտնելու ոստիկանության գործողությունների ժամանակ սպանված 18-ամյա դեռահասի համար: Այնուհետև ցուցարարները շարժվել են դեպի Լոս Անջելեսի շրջանի շերիֆի գրասենյակ, որտեղ և սկսվել են բախումները ցուցարարների և իրավապահների միջև: Ամբոխը ցրելու համար իրավապահներն օգտագործել են արցունքաբեր գազ և ռետինե փամփուշտներ: CBS-ի փոխանցմամբ՝ անկարգությունների արդյունքում ձերբակալվել է վեց մարդ: