«Սուրբ Աստվածամայր» ԲԿ-ում 2 օրական նորածին է մահացել

509

Կիրակի, 26 հուլիսի, 2020 թ., 16:45

Երևանում այսօր, հուլիսի 26-ին, ողբերգական դեպք է տեղի ունեցել։ Ֆոտոլրագրող Գագիկ Շամշյանը հաղորդում է, որ քիչ առաջ «Սուրբ Աստվածամայր» բժշկական կենտրոնում մահացել է 2 օրական նորածին աղջիկ։

Երեխան ծնվել է 2 օր առաջ Գեղարքունիքի մարզի բժշկական կենտրոններից մեկի ծննդատանը, այսօր երեխայի վիճակը վատացել է, և նրան տեղափոխել են «Սուրբ Աստվածամայր» բժշկական կենտրոն, որտեղ էլ մահացել է:

Կայքի տեղեկություններով՝ երեխայի հարազատները նորածնի մահվան մեջ մեղադրում են իրենց մարզի բժշկական կենտրոնի բժիշկներին, դիմել են Ոստիկանության Շենգավիթի բաժին, որտեղ փաստի առթիվ հետաքննչական բաժանմունքում նյութեր են նախապատրաստվում։

Երեխայի 28-ամյա մայրն այս պահին գտնվում է հիվանդանոցում, բժիշկների հսկողության տակ։ Աղջնակը երիտասարդ ընտանիքի առաջնեկն էր։

Մանրամասները՝ սկզբնաղբյուր կայքում: