«Հոգեկան առողջության կենտրոններից մեկում 25 դրական դեպք ենք հայտնաբերել». նախարար

250

Հինգշաբթի, 06 օգոստոսի, 2020 թ., 11:38

Առողջապահության նախարար Արսեն Թորոսյանը կառավարության նիստի ժամանակ անդրադարձավ կորոնավիրուսով պայմանավորված իրավիճակին։ «Մենք ունենք որոշակի վստահություն, որ դեպքերի հայտնաբերելիությունը բարձրացել է: Մենք այս առումով մարտավարութան որոշակի փոփոխության հնարավորություն ենք ստացել և եթե նախկինում հոսքերը մեծ էր, հիմա Առողջապահության նախարարությունն ավելի նախաձեռնող կլինի և ռիսկային տեղեր, խմբեր, գործարաններ սեփական նախաձեռնությամբ կգնա և ախտորոշում կիրականացնեն և սա հնարավորություն կտա ինչ-որ ձևով հաղթահարել համաճարակը»,- ասաց նա:

Վարչապետը նշեց, որ ծայրահեղ ծանր վիճակում են գտնվում 68 բուժառու, ծանր վիճակում՝ 300 բուժառու, իսկ ամենապիկը ծայրահեղ ծանրերի եղել է 178: «Թվերը նվազել են, բայց մեր վերլուծությունը ցույց է տալիս, որ նման անկում կարողացել ենք արձանագրել հիմնականում դիմակի պարտադիր կրման կանոնները ներդնելու շնորհիվ և մեր ուղերձը հստակ է, որ հակահամաճարակային կանոնները պետք է խստագույնս պահպանվեն»,- ասաց վարչապետը: Առողջապահության նախարարը նշեց, որ մի քանի օրվա մեջ հոգեկան առողջության կենտրոններից մեկում միանգամից 350 հոգու և 25 դրական դեպք են հայտնաբերել, որոնք որևէ գանգատ չեն ունեցել: