Ռուսաստանում մեկ օրում գրանցվել է վարակի 4945 նոր դեպք
 189 Երեքշաբթի, 11 օգոստոսի, 2020 թ., 12:50 Ռուսաստանի 84 շրջաններում կորոնավիրուսով վարակման նոր՝ 4 945 դեպք է հաստատվել, որը ամենափոքր թիվն է վերջին 15 շաբաթվա ընթացքում, մահացել է 130 մարդ (նախօրեին՝ 70): Այս մասին հայտնել է կորոնավիրուսի դեմ պայքարի օպերատիվ շտաբը, գրում է Интерфакс-ը։ Հաստատված դեպքերի ընդհանուր թիվը կազմում է 897 599 մարդ, ապաքինվել և հիվանդանոցներից դուրս է գրվել 703 175 բուժառու (նախօրեին՝ 6 494), մահացել է 15 131 մարդ: Նոր դեպքերի մեծ մասը հաստատվել է Մոսկվայում՝ 694 դեպք, մահացել է 14 մարդ, ապաքինվել է 1 043 բուժառու: COVID-19-ի ևս 168 նոր դեպք է արձանագրվել Սվերդլովսկի մարզում, Մերձմոսկվայում՝ 154, Սանկտ Պետերբուրգում՝ 157, Ռոստովի մարզում՝ 126, Կրասնոյարսկի երկրամասում՝ 122, Ստավրոպոլի երկրամասում՝ 111, Նիժնի Նովգորոդում՝ 119 և Իրկուտսկում՝ 124։ |
